Маңғыстаулық теміржолшылардың 400-ге жуық баласы лагерьде демалды

Таяуда Тараздың «Тау самалы» лагеріне аттанған соңғы лек демалыстан оралды. Кәсіподақ өкілдерінің айтуынша, тек соңғы топта «Тау самалына» түбектен жетпіс бала аттанған.

Балаларды алып жүруге әр лекте он балаға бір ересек адам және медициналық қызметкер де тағайындалған. Яғни, қауіпсіздіктер толық қамтамасыз етілген. Жалпы, биыл Маңғыстау темір жолынан барлығы 400-ге жуық бала түрлі демалыс лагерінде демалған. 

Жүк тасымалы бойынша 254, Магистральдық желі бөлімшесінен 123 бала жолдама алған. Шілде-тамыз айларында Алматыда 25 бала, Бурабайда 40 бала, Ақтөбеде 60 бала демалып қайтты.  

Шахида Жұман

Дереккөз: "Қазақстан теміржолшысы"